薪典深耕版 › 教程 › 长乐客家话 › 外貌衣著
外貌衣著
长乐客家话 · 第二单元 日常生活篇。课文逐字标注拼音（数字是调号）。
一、辨认外貌
粄仔茂：阿哥，遐只又高又瘦，著等茄仔色冷衫只后生哥系么人？
a1 go1, gai4 zhag5 iu4 gau1 iu4 siu4, zhog5 den1 kio2 e3 sed5 lang1 sam1 zhag5 heu4 sang1 go1 he4 ma3 ngin2?
粄仔华：佢系荣牯哥。
gi2 he4 in2 gu3 go1.
粄仔茂：遐只奀奀细细，目珠大大，著等红裙只妹仔系哪侪？
gai4 zhag5 ngan1 ngan1 se4 se4, mug5 zhu1 tai4 tai4, zhog5 den3 fung2 kiun2 zhag5 moi4 e3 he4 nai4 sa2?
粄仔华：佢系满妹。
gi2 he4 man1 moi4.
粄仔茂：遐只肥肥白白，戴等黄帽仔，著等青拖鞋只细人仔系么人？
gai4 zhag5 pi2 pi2 pag6 pag6, dai4 den3 vong2 mau4 e3, zhog5 den3 ciang1 to1 hai2 zhag5 se4 ngin2 e3 he4 ma3 ngin2?
粄仔华：佢系琦琦。
gi2 he4 ki2 ki2.
粄仔茂：遐只面圆圆，长头颅毛，著等牛仔裤只女青年系哪侪？
gai4 zhag5 mien4 ien2 ien2, chong2 teu2 na2 mau1, zhog5 den3 ngiu2 e3 fu4 zhag5 ngi3 ciang1 ngien2 he4 nai4 sa2?
粄仔华：佢系阿冰姊。
gi2 he4 a1 ben1 zi3.
二、外貌行为
吾公头颅毛白白，背驼驼，佢今下著等笨笨只袄婆，扶等棍牯行来行去。吾爸生著好高大，额门阔，鼻公高，佢今下著等睡衫，坐等沙发眏报纸。吾母又矮又肭，讲话大声，佢今下围等一条围裙，企等做夜。我近视眼，戴等乌框目镜，出世以来皮肤就系乌乌赤赤只甜粄色，我今下眠等眠床听歌仔。吾老妹嘴唇红唧唧，手指短短，成下笑成下噭，表情丰富，佢今下著等花离必驳只袜仔，跍等绹鞋带。我养只猫四脚长长，耳公尖尖，佢今下在厅下飙上飙下。
nga1 gung1 teu2 na2 mau1 pag6 pag6, boi4 to2 to2, gi2 gim1 ha4 zhog5 den3 pun1 pun1 zhag5 au3 po2, pu2 den3 gun4 gu3 hang2 loi2 hang2 hi4. nga1 ba1 sang1 zhog5 hau3 gau1 tai4, ngiag6 mun2 fad5, pi4 gung1 gau1, gi2 gim1 ha4 zhog5 den3 shoi4 sam1, co1 den3 sa1 fad5 ong1 bau4 zhi3. nga1 me1 iu4 ai3 iu4 neb5, gong3 va4 tai4 shang1, gi2 gim1 ha4 vui2 den3 id5 tiau2 vui2 kiun2, ki1 den3 zo4 ia4. ngai2 kiun4 shi4 ngan3, dai4 den3 vu1 kong1 mug5 giang4, chud5 she4 i1 loi2 pi2 fu1 ciu4 he4 vu1 vu1 chag5 chag5 zhag5 tiam2 ban3 sed5, ngai2 gim1 ha4 min2 den3 min2 cong2 tang1 go1 e3. nga1 lau3 moi4 zhoi4 shun2 fung2 zid5 zid5, shiu3 zhi3 don3 don3, shang2 ha4 siau4 shang2 ha4 giau4, biau3 cin2 fung1 fu4, gi2 gim1 ha4 zhog5 den3 fa1 li2 bid5 bog5 zhag5 mad5 e3, ku1 den3 tau2 hai2 dai4. ngai2 iong1 zhag5 miau4 si4 giog5 chong2 chong2, ngi3 gung1 ziam1 ziam1, gi2 gim1 ha4 coi1 tiang1 ha4 biau1 shong1 biau1 ha1.
四、语法：么人（ma3 ngin2）/哪侪（nai4 sa2）
1、么人（ma3 ngin2）/哪侪（nai4 sa2）
含义：谁，什么人。
用法：疑问代词。惠州部分地区说“哪只人（nang4 ngin2）”。
例句：门后背个系么人？屋里背个系哪侪？
上一课：生病求医 下一课：家庭成员
教程全部课目
站内功能