薪典深耕版 › 教程 › 长乐客家话 › 家庭成员
家庭成员
长乐客家话 · 第二单元 日常生活篇。课文逐字标注拼音（数字是调号）。
一、介绍亲人
满妹：今晡日我做生日，屋下来著尽多人，我来同汝绍介一下。迩只系吾公，迩只系吾姐婆。
gim1 bu1 njid5 ngai2 zo4 sang1 njid5, vug5 ha1 loi2 dau3 cin4 do1 njin2, ngai2 loi2 tung2 nji3 shau4 gai4 id5 ha4. ngia3 zhag5 he4 nga1 gung1, ngia3 zhag5 he4 nga1 zia3 po2.
粄仔华：阿公，姐婆，汝等好，我系满妹个朋友。
a1 gung1, zia3 po2, nji3 den1 hau3, ngai2 he4 man1 moi4 gai4 pen2 iu1.
满妹：迩只系吾婶，迩只系吾大姨，迩只系吾舅娘。
ngia3 zhag5 he4 nga1 shim3, ngia3 zhag5 he4 nga1 tai4 i2, ngia3 zhag5 he4 nga1 kiu1 njong2.
粄仔华：阿婶，大姨，舅娘，汝等好。遐只从灶间肚出来个细人仔系么人？
a1 shim3, tai4 i2, kiu1 njong2, nji3 den1 hau3. gai4 zhag5 cung2 zau4 gan1 du3 chud5 loi2 gai4 se4 njin2 e3 he4 ma3 njin2?
满妹：佢系吾叔伯老妹，迩只阿婶个妹仔，琦琦。琦琦过来！
gi2 he4 nga1 shug5 bag5 lau3 moi4, ngia3 zhag5 a1 shim3 gai4 moi4 e3, ki2 ki2. ki2 ki2 guo4 loi2!
琦琦：阿姊，正先阿伯喊汝去跈手做昼。
a1 zi3, zhang4 sen1 a1 bag5 ham4 nji3 hi4 ten4 shiu3 zo4 zhiu4.
满妹：好！粄仔华，吾爸喊我去跈手，我去灶间肚，汝在迩位同琦琦料。
hau3! ban3 e3 fa2, nga1 ba1 ham4 ngai2 hi4 ten4 shiu3, ngai2 hi4 zau4 gan1 du3, nji3 coi1 ngia3 vui4 tung2 ki2 ki2 liau4.
二、家庭成员
吾屋下有六只人：阿公同阿婆系两公婆，阿爸同阿母系两公婆，阿姊同我系两姊妹。阿爸同阿母系吾爷哀，我同阿爸系两子爷，我同阿姊、阿母系三子哀，我同阿公系两子阿公。阿爸有一只老弟，系吾阿叔，阿叔个妇娘系吾阿婶，阿叔个裔仔系吾叔伯兄弟，阿叔只妹仔系吾叔伯姊妹，叔伯阿哥个妇娘系吾阿嫂。阿母只阿哥喊么个？喊大舅。阿母最个只老妹系吾满姨。阿母系阿婆个心舅，阿爸系姐婆个婿郎。
nga1 vug5 ha1 iu1 lug5 zhag5 njin2: a1 gung1 tung2 a1 po2 he4 liong3 gung1 po2, a1 ba1 tung2 a1 mi1 he4 liong3 gung1 po2, a1 zi3 tung2 ngai2 he4 liong3 zi3 moi4. a1 ba1 tung2 a1 mi1 he4 nga1 ia2 oi1, ngai2 tung2 a1 ba1 he4 liong3 zii3 ia2, ngai2 tung2 a1 zi3, a1 mi1 he4 sam1 zii3 oi1, ngai2 tung2 a1 gung1 he4 liong3 zii3 a1 gung1. a1 ba1 iu1 id5 zhag5 lau3 tai1, he4 nga1 a1 shug5, a1 shug5 gai4 fu4 njong2 he4 nga1 a1 shim3, a1 shug5 gai4 lai4 e3 he4 nga1 shug5 bag5 hiung1 ti4, a1 shug5 zhag5 moi4 e3 he4 nga1 shug5 bag5 zi3 moi4, shug5 bag5 a1 go1 gai4 fu4 njong2 he4 nga1 a1 sau3. a1 mi1 zhag5 a1 go1 ham4 ma3 gai4? ham4 tai4 kiu1. a1 mi1 zui4 gai4 zhag5 lau3 moi4 he4 nga1 man1 i2. a1 mi1 he4 a1 po2 gai4 sim1 kiu1, a1 ba1 he4 zia3 po2 gai4 se4 long2.
上一课：外貌衣著 下一课：礼貌用语
教程全部课目
站内功能