薪典深耕版 › 教程 › 长乐客家话 › 民间故事
民间故事
长乐客家话 · 第四单元 客家风情篇。课文逐字标注拼音（数字是调号）。
一、三斤狗
古时有只人屋下穷，又奀又瘦，别人家就喊佢“三斤狗”。三斤狗有只裔仔，到南洋做工去矣，信都无转。有日仔，三斤狗无米食，去同隔离个李伯母借米。三斤狗好话讲尽矣，李伯母毋肯借，三斤狗净好转屋下。无几久，李伯母就带等叔伯兄弟到三斤狗屋下，话三斤狗偷矣厥金钗。三斤狗话自家无偷，李伯母毋信，完只屋下都抄矣，毋曾寻著，还系硬讲系三斤狗偷个。年三十晡夜，三斤狗无钱斫猪肉，同卖猪肉个赊矣一斤猪肉，放落镬头去煠。吂知张老板来喊佢还债，三斤狗讲佢无钱，张老板打开镬盖，讲： “无钱哪来个猪肉？ ”三斤狗讲： “赊著来敬祖公个！ ”张老板拿著猪肉就走，还掞一搲灰到猪肉汤里。三斤狗猪肉汤都无食就上床睡目，迩下听著敲门声，三斤狗开门看著裔仔带等四担“番货”转。天吂光，三斤狗两子爷就扛等两粪箕花边来敬祖公，齐家看著都喊佢“三伯公”。三斤狗笑， “上夜系三斤狗，下夜就系三伯公囖！ ”敬矣祖公以后，齐家都喊三斤狗去食饭，三斤狗都去食，讲： “打帮吾裔仔！ ”
gu3 shi2 iu1 zhag5 njin2 vug5 ha1 kiung2, iu4 ngan1 iu4 seu4, pied6 njin2 ga1 ciu4 ham4 gi2 sam1 gin1 geu3 sam1 gin1 geu3 iu1 zhag5 lai4 e3, dau4 nam2 iong2 zo4 gung1 hi4 e3, sin4 du1 mau2 zhon3. iu1 njid5 e3, sam1 gin1 geu3 mau2 mi3 shid6, hi4 tung2 gag5 li2 gai4 li3 bag5 mi1 zia4 mi3. sam1 gin1 geu3 hau3 va4 gong3 cin4 e3, li3 bag5 mi1 m2 hen3 zia4, sam1 gin1 geu3 cang1 hau3 zhon3 vug5 ha1. mau2 gi3 giu3, li3 bag5 mi1 ciu4 dai4 den3 shug5 bag5 hiung1 ti4 dau4 sam1 gin1 geu3 vug5 ha1, va4 sam1 gin1 geu3 teu1 e3 gia1 gim1 cai1. sam1 gin1 geu3 va4 ci4 ga1 mau2 teu1, li3 bag5 mi1 m2 sin4, von2 zhag5 vug5 ha1 du1 cau1 e3, m2 cen2 cim2 dau3, han2 he4 ngang4 gong3 he4 sam1 gin1 geu3 teu1 gai4. njen2 sam1 shib6 bu1 ia4, sam1 gin1 geu3 mau2 cien2 zhog5 zhu1 njug6, tung2 mai4 zhu1 njug6 gai4 sha1 e3 id5 gin1 zhu1 njug6, biong4 log6 vog6 teu2 hi4 sab6. mang2 di1 zhong1 lau3 ban3 loi2 ham4 gi2 van2 zai4, sam1 gin1 geu3 gong3 gi2 mau2 cien2, zhong1 lau3 ban3 da3 hoi1 vog6 goi4, gong3 mau2 cien2 nai4 loi2 gai4 zhu1 njug6 sam1 gin1 geu3 gong3 sha1 dau3 loi2 gin4 zu3 gung1 gai4 zhong1 lau3 ban3 na1 dau3 zhu1 njug6 ciu4 zeu3, han2 iam4 id5 ia3 foi1 dau4 zhu1 njug6 tong1 li3. sam1 gin1 geu3 zhu1 njug6 tong1 du1 mau2 shid6 ciu4 shong1 cong2 shoi4 mug5, ngia3 ha4 tang1 dau3 kau4 mun2 shang1, sam1 gin1 geu3 hoi1 mun2 kon4 dau3 lai4 e3 dai4 den3 si4 dam1 fan1 fo4 zhon3. ten1 mang2 gong1, sam1 gin1 geu3 liong3 zii3 ia2 ciu4 gong1 den3 liong3 bun4 gi1 fa1 ben1 loi2 gin4 zu3 gung1, ce2 ga1 kon4 dau3 du1 ham4 gi2 sam1 bag5 gung1 sam1 gin1 geu3 siau4 shong4 ia4 he4 sam1 gin1 geu3, ha4 ia4 ciu4 he4 sam1 bag5 gung1 lo2 gin4 e3 zu3 gung1 i1 heu4, ce2 ga1 du1 ham4 sam1 gin1 geu3 hi4 shid6 fan4, sam1 gin1 geu3 du1 hi4 shid6, gong3 da3 bong1 nga1 lai4 e3
二、骗猪肉
有古仔讲，有只好精个人，安做乡狗。有一日，乡狗同叔公去卖猪肉。乡狗十分想食肉，佢就行在叔公先头，大声喊： “卖猪肉囖！卖猪肉囖！ ”一看著人就细细声讲： “千祈毋好斫叔公个猪肉，叔公个猪肉系隔夜个，馊个！ ”别人家就毋敢斫叔公个猪肉。叔公荷等猪肉在尾下跟等，行矣一日，一斤猪肉都卖毋出去。暗晡夜叔公讲： “毋晓解！做么吾猪肉卖毋出？ ”叔公个猪肉净好分乡狗拿矣转去食，乡狗就恁样啜著矣叔公个猪肉。
iu1 gu3 e3 gong3, iu1 zhag5 hau3 zin1 gai4 njin2, on1 zo4 hiong1 geu3. iu1 id5 njid5, hiong1 geu3 tung2 shug5 gung1 hi4 mai4 zhu1 njug6. hiong1 geu3 shib6 fun1 siong3 shid6 njug6, gi2 ciu4 hang2 coi1 shug5 gung1 sen1 teu2, tai4 shang1 hem1 mai4 zhu1 njug6 lo2! mai4 zhu1 njug6 lo2 id5 kon4 dau3 njin2 ciu4 se4 se4 shang1 gong3 cen1 ki2 m2 hau3 zhog5 shug5 gung1 gai4 zhu1 njug6, shug5 gung1 gai4 zhu1 njug6 he4 gag5 ia4 gai4, siu1 gai4 pied6 njin2 ga1 ciu4 m2 gam3 zhog5 shug5 gung1 gai4 zhu1 njug6. shug5 gung1 kai1 den3 zhu1 njug6 coi1 mui1 ha1 gen1 den3, hang2 e3 id5 njid5, id5 gin1 zhu1 njug6 du1 mai4 m2 chud5 hi4. am4 bu1 ia4 shug5 gung1 gong3 m2 hiau3 gai3! zo4 ma3 nga1 zhu1 njug6 mai4 m2 chud5 shug5 gung1 gai4 zhu1 njug6 ciang4 hau3 bun1 hiong1 geu3 na1 e3 zhon3 hi4 shid6, hiong1 geu3 ciu4 an3 iong4 chod5 dau3 e3 shug5 gung1 gai4 zhu1 njug6.
四、语法
1、分（bun1）
词汇：分（bun1） 含义：给；被。 用法：惠州部分地区读作“bin1”。 例句：若苹果分我食矣，送转只雪梨分汝。
上一课：童话故事 下一课：美味佳肴
教程全部课目
站内功能