薪典深耕版 › 教程 › 长乐客家话 › 港澳台之旅
港澳台之旅
长乐客家话 · 第五单元 客家风情篇。课文逐字标注拼音（数字是调号）。
一、台湾
粄仔华：汝好，我来自梅州，头摆来台湾料。
nji3 hau3, ngai2 loi2 ci4 moi2 zhiu1, teu2 bai3 loi2 toi2 van1 liau4.
路人甲：汝好，我系苗栗客家人，欢迎汝来苗栗啊。汝看苗栗靓无？
nji3 hau3, ngai2 he4 miau2 lid6 hag5 ga1 njin2, fon1 ngiang2 nji3 loi2 miau2 lid6 a1. nji3 kon4 miau2 lid6 ziang4 mau2?
粄仔华：好靓，我在火车上看著山顶一片片白茫茫个油桐花，就像落雪等。
hau3 ziang4, ngai2 coi1 fo3 cha1 hong4 kon4 dau3 san1 dang3 id5 pen3 pen3 pag6 mong2 mong2 gai4 iu2 tung2 fa1, ciu4 ciong4 log6 sied5 den1.
路人甲：游人就将油桐花称作“五月雪”。客委会举办“客家桐花祭”个时节准备到矣，汝记得来客家庄料啊！：游人就将油桐花称作“五月雪”。客委会举办“客家桐花祭”个时节准备到矣，汝记得来客家庄料啊！
iu2 njin2 ciu4 ziong1 iu2 tung2 fa1 chin1 zog5 ng3 ngied6 sied5 hag5 vui1 fui4 gi3 pan4 hag5 ga1 tung2 fa1 ze4 gai4 shi2 zed5 zhun3 pi4 dau4 e3, nji3 gi4 ded5 loi2 hag5 ga1 zong1 liau4 a1!
粄仔华：好，定著爱去！啊，我缅起啦，台湾客家电视台个台标系毋系桐花？：好，定著爱去！啊，我缅起啦，台湾客家电视台个台标系毋系桐花？
hau3, tin4 chog6 oi4 hi4! a1, ngai2 mien3 hi3 la1, toi2 van1 hag5 ga1 ten4 shi4 toi2 gai4 toi2 biau1 he4 m2 he4 tung2 fa1?
路人甲：系！客家电视台系24小时讲客语个啊，汝有机会欣赏下仔！：系！客家电视台系24小时讲客语个啊，汝有机会欣赏下仔！
he4! hag5 ga1 ten4 shi4 toi2 he4 siau3 shi2 gong3 hag5 ngi1 gai4 a1, nji3 iu1 gi1 fui4 hiun1 shong3 ha4 e3!
粄仔华：肯定爱看！系啰，有么个好食个？：肯定爱看！系啰，有么个好食个？
ken3 tin4 oi4 kon4! he4 lo2, iu1 ma3 gai4 hau3 shid6 gai4?
路人甲：当多客家小食，像擂茶、粄条、糍粑……：当多客家小食，像擂茶、粄条、糍粑……
dong1 do1 hag5 ga1 siau3 shid6, ciong4 lui3 ca2, ban3 tiau2, cii2 ba1
粄仔华：哇，听著我口澜都流出来囖！：哇，听著我口澜都流出来囖！
va1, tang1 dau3 ngai2 heu3 lan2 du1 liu2 chud5 loi2 lo2!
二、香港澳门
上只月我去矣香港与澳门料。客家人系香港第二大族群，我在香港新界还可以寻著好有特色个客家民居，比如荃湾三栋屋、沙田曾大屋同柴湾罗屋。当地人讲香港客家文化有三宝——黄酒、麒麟、山歌，其中麒麟集功夫、音乐、歌舞于一身，不过我无见著。我还去矣东江菜馆食客家菜，东江盐焗鸡、豆腐霉炒壅菜、咸鸡肾尽好食啊！在大埔车站撞著有卖茶果个客家阿婆，我同厥兜讲笑仔。香港系巴色会（ Basel）到中国客家地区传教个最先头个根据地， 1897年，外国传教士还出版矣一本用新界客家方言写著个书——《启蒙浅学》，留下矣可供研究新界客家话个宝贵资料。在澳门有得料又有得食，我料矣大三巴牌坊、澳门塔、玫瑰圣母堂……食矣葡式蛋挞、水蟹粥、杏仁饼……听讲澳门有超过十万客家人，成下有举办“客家文化节”，转摆我爱客家文化节来料！
shong4 zhag5 ngied6 ngai2 hi4 e3 hiong1 gong3 lau1 au4 mun2 liau4. hag5 ga1 njin2 he4 hiong1 gong3 ti4 nji4 tai4 cug6 kiun2, ngai2 coi1 hiong1 gong3 sin1 gai4 han2 ko3 i1 cim2 dau3 hau3 iu1 tid6 sed5 gai4 hag5 ga1 min2 gi1, bi3 nji2 cen1 van1 sam1 dung4 vug5, sa1 ten2 zen1 tai4 vug5 tung2 cai2 van1 lo2 vug5. dong1 ti4 njin2 gong3 hiong1 gong3 hag5 ga1 vun2 fa4 iu1 sam1 bau3 vong2 ziu3, ki2 lin2, san1 go1, ki2 zhung1 ki2 lin2 cib6 gung1 fu1, im1 ngog6, go1 vu3 i1 id5 shin1, bud5 guo4 ngai2 mau2 gen4 dau3. ngai2 han2 hi4 e3 dung1 gong1 coi4 gon3 shid6 hag5 ga1 coi4, dung1 gong1 iam2 gug6 gai1, teu4 fu4 moi2 cau3 vung1 coi4, ham2 gai1 shin4 cin4 hau3 shid6 a1! coi1 tai4 pu3 cha1 cam4 cong4 dau3 iu1 mai4 ca2 guo3 gai4 hag5 ga1 a1 po2, ngai2 tung2 gia1 deu1 gong3 siau4 e3. hiong1 gong3 he4 ba1 sed5 fui4 dau4 zhung1 ged5 hag5 ga1 ti4 ki1 chon2 gau4 gai4 zui4 sen1 teu2 gai4 gen1 gi4 ti4 njen2, ngoi4 ged5 chon2 gau4 sii4 han2 chud5 ban3 e3 id5 bun3 iung4 sin1 gai4 hag5 ga1 fong1 ngian2 sia3 dau3 gai4 shu1 he3 mung2 cien3 hog6 liu2 ha1 e3 ko3 giung4 ngan1 giu4 sin1 gai4 hag5 ga1 va4 gai4 bau3 gui4 zii1 liau4. coi1 au4 mun2 iu1 ded5 liau4 iu4 iu1 ded5 shid6, ngai2 liau4 e3 tai4 sam1 ba1 pai2 fong1, au4 mun2 tab5, moi2 gui1 shin4 mu1 tong2 shid6 e3 pu2 chid5 tan4 tad5, shui3 hai3 zhug5, hen4 in2 biang3 tang1 gong3 au4 mun2 iu1 chau1 guo4 shib6 man4 hag5 ga1 njin2, shang2 ha4 iu1 gi3 pan4 hag5 ga1 vun2 fa4 zed5 zhon3 bai3 ngai2 oi4 hag5 ga1 vun2 fa4 zed5 loi2 liau4!
上一课：客家风情篇 下一课：国外之旅
教程全部课目
站内功能