薪典深耕版 › 教程 › 長樂客家話 › 外貌衣著
外貌衣著
長樂客家話 · 第二單元 日常生活篇。課文逐字標注拼音（數字是調號）。
一、辨認外貌
粄仔茂：阿哥，遐隻又高又瘦，著等茄仔色冷衫隻後生哥係麼人？
a1 go1, gai4 zhag5 iu4 gau1 iu4 siu4, zhog5 den1 kio2 e3 sed5 lang1 sam1 zhag5 heu4 sang1 go1 he4 ma3 ngin2?
粄仔華：佢係榮牯哥。
gi2 he4 in2 gu3 go1.
粄仔茂：遐隻奀奀細細，目珠大大，著等紅裙隻妹仔係哪儕？
gai4 zhag5 ngan1 ngan1 se4 se4, mug5 zhu1 tai4 tai4, zhog5 den3 fung2 kiun2 zhag5 moi4 e3 he4 nai4 sa2?
粄仔華：佢係滿妹。
gi2 he4 man1 moi4.
粄仔茂：遐隻肥肥白白，戴等黃帽仔，著等青拖鞋隻細人仔係麼人？
gai4 zhag5 pi2 pi2 pag6 pag6, dai4 den3 vong2 mau4 e3, zhog5 den3 ciang1 to1 hai2 zhag5 se4 ngin2 e3 he4 ma3 ngin2?
粄仔華：佢係琦琦。
gi2 he4 ki2 ki2.
粄仔茂：遐隻面圓圓，長頭顱毛，著等牛仔褲隻女青年係哪儕？
gai4 zhag5 mien4 ien2 ien2, chong2 teu2 na2 mau1, zhog5 den3 ngiu2 e3 fu4 zhag5 ngi3 ciang1 ngien2 he4 nai4 sa2?
粄仔華：佢係阿冰姊。
gi2 he4 a1 ben1 zi3.
二、外貌行爲
吾公頭顱毛白白，背駝駝，佢今下著等笨笨隻襖婆，扶等棍牯行來行去。吾爸生著好高大，額門闊，鼻公高，佢今下著等睡衫，坐等沙發眏報紙。吾母又矮又肭，講話大聲，佢今下圍等一條圍裙，企等做夜。我近視眼，戴等烏框目鏡，出世以來皮膚就係烏烏赤赤隻甜粄色，我今下眠等眠床聽歌仔。吾老妹嘴唇紅唧唧，手指短短，成下笑成下噭，表情豐富，佢今下著等花離必駁隻襪仔，跍等綯鞋帶。我養隻貓四腳長長，耳公尖尖，佢今下在廳下飆上飆下。
nga1 gung1 teu2 na2 mau1 pag6 pag6, boi4 to2 to2, gi2 gim1 ha4 zhog5 den3 pun1 pun1 zhag5 au3 po2, pu2 den3 gun4 gu3 hang2 loi2 hang2 hi4. nga1 ba1 sang1 zhog5 hau3 gau1 tai4, ngiag6 mun2 fad5, pi4 gung1 gau1, gi2 gim1 ha4 zhog5 den3 shoi4 sam1, co1 den3 sa1 fad5 ong1 bau4 zhi3. nga1 me1 iu4 ai3 iu4 neb5, gong3 va4 tai4 shang1, gi2 gim1 ha4 vui2 den3 id5 tiau2 vui2 kiun2, ki1 den3 zo4 ia4. ngai2 kiun4 shi4 ngan3, dai4 den3 vu1 kong1 mug5 giang4, chud5 she4 i1 loi2 pi2 fu1 ciu4 he4 vu1 vu1 chag5 chag5 zhag5 tiam2 ban3 sed5, ngai2 gim1 ha4 min2 den3 min2 cong2 tang1 go1 e3. nga1 lau3 moi4 zhoi4 shun2 fung2 zid5 zid5, shiu3 zhi3 don3 don3, shang2 ha4 siau4 shang2 ha4 giau4, biau3 cin2 fung1 fu4, gi2 gim1 ha4 zhog5 den3 fa1 li2 bid5 bog5 zhag5 mad5 e3, ku1 den3 tau2 hai2 dai4. ngai2 iong1 zhag5 miau4 si4 giog5 chong2 chong2, ngi3 gung1 ziam1 ziam1, gi2 gim1 ha4 coi1 tiang1 ha4 biau1 shong1 biau1 ha1.
四、語法：麼人（ma3 ngin2）/哪儕（nai4 sa2）
1、麼人（ma3 ngin2）/哪儕（nai4 sa2）
含義：誰，什麼人。
用法：疑問代詞。惠州部分地區說“哪隻人（nang4 ngin2）”。
例句：門后背个係麼人？屋里背个係哪儕？
上一課：生病求醫 下一課：家庭成員
教程全部課目
站內功能