薪典深耕版 › 教程 › 長樂客家話 › 傳統節日
傳統節日
長樂客家話 · 第四單元 客家風情篇。課文逐字標注拼音（數字是調號）。
一、傳統節日
阿冰：榮牯，我等來講下客家人个節日？
in2 gu3, ngai2 den1 loi2 gong3 ha4 hag5 ga1 ngin2 gai4 zied5 ngid5?
榮牯：第一隻就係過年：年三十晚就㓾雞仔唱喏，用柚仔葉、朳仔葉、柏仔葉煲水洗年身，洗矣年身就著新衫、食夜、打炮杖，大人賞細人仔紅包。年初二就帶等細人仔轉妹家，邏姐婆。
ti4 id5 zhag5 ciu4 he4 guo4 ngian2: ngian2 sam1 shib6 man1 ciu4 chi2 ge1 e3 chong4 ngia1, iung4 iu4 e3 iab6, pad6 e3 iab6, bag5 e3 iab6 bau1 shui3 se3 ngian2 shin1, se3 e3 ngian2 shin1 ciu4 zhog5 sin1 sam1, shid6 ia4, da3 pau4 chong4, tai4 ngin2 shong3 se4 ngin2 e3 fung2 bau1. ngian2 co1 ngi4 ciu4 dai4 den3 se4 ngin2 e3 zhon3 moi4 ga1, la2 zia3 po2.
阿冰：正月半鬧元宵。
zhang1 ngiad6 ban4 nau4 ngian2 siau1.
榮牯：接下來係好有客家特色个正月廿“天穿日”，在煎甜粄面頭刺針線“補天穿”。台灣還將天穿日定為“全國客家日”哩！
ziab5 ha1 loi2 he4 hau3 iu1 hag5 ga1 tid6 sed5 gai4 zhang1 ngiad6 ngib6 tien1 chon1 ngid5 coi1 zien1 tiam2 ban3 mien4 teu2 ciug5 zhim1 sien4 bu3 tien1 chon1 toi2 van1 han2 ziong1 tien1 chon1 ngid5 tin4 vi2 cien2 gued5 hag5 ga1 ngid5 li3!
阿冰：過來係清明，去田唇摘著艾草來做艾粄。
guo4 loi2 he4 cin1 min2, hi4 tien2 shun2 zag5 dau3 ngioi4 cau3 loi2 zo4 ngioi4 ban3.
榮牯：五月有五月節，包粽仔食。
ng3 ngiad6 iu1 ng3 ngiad6 zied5, bau1 zung4 e3 shid6.
阿冰：七月七，稔仔烏滴滴。七月七天吂光就去山頂裝“七月七水”，七月七水最伶俐，一年來有麼个病都醫得好。
cid5 ngiad6 cid5, ngim3 e3 vu1 did5 did5. cid5 ngiad6 cid5 tien1 mang2 guong1 ciu4 hi4 san1 dang3 zong1 cid5 ngiad6 cid5 shui3 cid5 ngiad6 cid5 shui3 zui4 lang2 li4, id5 ngian2 loi2 iu1 ma3 gai4 piang4 du1 i1 ded5 hau3.
榮牯：八月半最好料，月光又圓又光，擺好月光餅、柚仔來奉月光。
bad5 ngiad6 ban4 zui4 hau3 liau4, ngiad6 guong1 iu4 ien2 iu4 guong1, bai3 hau3 ngiad6 guong1 biang3, iu4 e3 loi2 fung3 ngiad6 guong1.
阿冰：九月九重陽轉老屋下鏟地。
giu3 ngiad6 giu3 chung2 iong2 zhon3 lau3 vug5 ha1 can3 ti4.
榮牯：冬至大過年，做蘿蔔粄食。
dung1 zhi4 tai4 guo4 ngian2, zo4 lo2 ped6 ban3 shid6.
二、民間歌謠
《節朔歌》正月正，二月伯公生， （二月二伯公誕）三月清明四月八， （四月八浴佛節）五月節，六月六， （五月節指端午；六月六太陽誕）七月十四八月半， （七月十四鬼節；八月半中秋）九月重陽十月朝， （十月朝牛神誕）十一月冬，十二月年， （十一月冬指冬至）朝冬晚年晏晝節。《二十四節氣歌》春雨驚春清谷天，夏滿芒夏暑相連，秋處露秋寒霜降，冬雪雪冬小大寒。《轉妹家》初一又話初一頭，初二又話新年頭，初三又話窮鬼日，初四又話料一日， （窮鬼日把屋子打掃乾淨送窮；年初四等灶神）初五又話出年架，初六又話結團圓， （年廿五入年架，年初五出年架）七毋去，八毋歸，九九十十看打獅， （初七不外出做客，外出做客不在初八回家）十一十二龍燈到，索性月半過矣正來歸！ （月半：元宵）
zed5 sog5 go1 zhang1 ngied6 zhang1, nji4 ngied6 bag5 gung1 sang1 nji4 ngied6 nji4 bag5 gung1 tan4 sam1 ngied6 cin1 min2 si4 ngied6 bad5 si4 ngied6 bad5 iug6 fud6 zed5 ng3 ngied6 zed5, lug5 ngied6 lug5 ng3 ngied6 zed5 zhi3 don1 ng3; lug5 ngied6 lug5 tai4 iong2 tan4 cid5 ngied6 shib6 si4 bad5 ngied6 ban4 cid5 ngied6 shib6 si4 gui3 zed5; bad5 ngied6 ban4 zhung1 ciu1 giu3 ngied6 chung2 iong2 shib6 ngied6 zhau1 shib6 ngied6 zhau1 ngiu2 shin2 tan4 shib6 id5 ngied6 dung1, shib6 nji4 ngied6 njen2 shib6 id5 ngied6 dung1 zhi3 dung1 zhi4 zhau1 dung1 man1 njen2 an4 zhiu4 zed5. nji4 shib6 si4 zed5 hi4 go1 chun1 i3 giang1 chun1 cin1 gug5 ten1, ha4 man1 mong2 ha4 shu3 siong1 lien2, ciu1 chu4 lu4 ciu1 hon2 song1 gong4, dung1 sied5 sied5 dung1 siau3 tai4 hon2. zhon3 moi4 ga1 co1 id5 iu4 va4 co1 id5 teu2, co1 nji4 iu4 va4 sin1 njen2 teu2, co1 sam1 iu4 va4 kiung2 gui3 njid5, co1 si4 iu4 va4 liau4 id5 njid5 kiung2 gui3 njid5 ba3 vug5 zii3 da3 sau4 gon1 ciang4 sung4 kiung2; njen2 co1 si4 den3 zau4 shin2 co1 ng3 iu4 va4 chud5 njen2 ga4, co1 lug5 iu4 va4 ged5 ton2 ien2 njen2 njib6 ng3 njib6 njen2 ga4, njen2 co1 ng3 chud5 njen2 ga4 cid5 m2 hi4, bad5 m2 gui1, giu3 giu3 shib6 shib6 kon4 da3 sii1 co1 cid5 bud5 ngoi4 chud5 zo4 hag5, ngoi4 chud5 zo4 hag5 bud5 coi1 co1 bad5 fui2 ga1 shib6 id5 shib6 nji4 lung2 den1 dau4, sog5 sin4 ngied6 ban4 guo4 e3 zhang1 loi2 gui1 ngied6 ban4: ngen2 siau1
上一課：百家姓氏 下一課：童謠兒歌
教程全部課目
站內功能