薪典深耕版 › 教程 › 長樂客家話 › 客語歌曲
客語歌曲
長樂客家話 · 第五單元 客家風情篇。課文逐字標注拼音（數字是調號）。
一、傳統山歌
榮牯：東邊落雨西邊晴，新作塘唇毋敢行，燈芯造橋毋敢過，心肝想妹毋敢聲——
dung1 ben1 log6 i3 si1 ben1 ciang2, sin1 zog5 tong2 shun2 m2 gam3 hang2, den1 sim1 cau4 kiau2 m2 gam3 guo4, sim1 gon1 siong3 moi4 m2 gam3 shang1
阿冰：阿哥有心妹有心，鐵杵磨成繡花針，阿哥係針妹係線，針行三步線來尋——
a1 go1 iu1 sim1 moi4 iu1 sim1, ted5 chu3 mo2 shang2 siu4 fa1 zhim1, a1 go1 he4 zhim1 moi4 he4 sien4, zhim1 hang2 sam1 pu4 sien4 loi2 cim2
滿妹：阿哥，若兜在遐唱麼个？
a1 go1, nja1 deu1 coi1 gai4 chong4 ma3 gai4?
榮牯：吾兜在邇埕駁山歌，汝也來一下唱！
nga1 deu1 coi1 ngia3 tang2 bog5 san1 go1, nji3 ia1 loi2 id5 ha4 chong4!
滿妹：山歌係老人家唱个，我正毋唱！
san1 go1 he4 lau3 njin2 ga1 chong4 gai4, ngai2 zhang4 m2 chong4!
榮牯：汝恁樣講毋著，山歌毋單止抒發感情，還係青年人个好情歌！幾十年前好多男女係對山歌對到結公婆个！
nji3 an3 iong4 gong3 m2 dau3, san1 go1 m2 dan1 zhi3 shu4 fad5 gam3 cin2, han2 he4 ciang1 njen2 njin2 gai4 hau3 cin2 go1! gi3 shib6 njen2 cen2 hau3 do1 nam2 nji3 he4 dui4 san1 go1 dui4 dau4 ged5 gung1 po2 gai4!
阿冰：客家山歌用“賦比興”个手法，有《詩經》遺風。有好多歌詞一語雙關，表達个情感比流行歌曲還愛豐富哩！就像“入山看著藤纏樹，出山看著樹纏藤；樹死藤生纏到死，藤死樹生死也纏”……
hag5 ga1 san1 go1 iung4 fu4 bi3 hin1 gai4 shiu3 fab5, iu1 shi1 gin1 vui2 fung1. iu1 hau3 do1 go1 cii2 id5 ngi1 sung1 guan1, biau3 tad6 gai4 cin2 gam3 bi3 liu2 hang2 go1 kiug5 han2 oi4 fung1 fu4 li3! ciu4 ciong4 njib6 san1 kon4 dau3 ten2 chen2 shu4, chud5 san1 kon4 dau3 shu4 chen2 ten2; shu4 si3 ten2 sang1 chen2 dau4 si3, ten2 si3 shu4 sang1 si3 ia1 chen2
滿妹：哇！將男子人比作樹，妹子人比作藤，夠浪漫啊！我也愛學唱山歌，學曉來去教青年人唱！
va1! ziong1 nam2 zii3 njin2 bi3 zog5 shu4, moi4 zii3 njin2 bi3 zog5 ten2, geu1 long4 man4 a1! ngai2 ia1 oi4 hog6 chong4 san1 go1, hog6 hiau3 loi2 hi4 gau1 ciang1 njen2 njin2 chong4!
二、流行歌曲
榮牯：紅紅白白个花，跌落汝面前，跌落汝肩背，跌落汝腳下啊啊啊——
fung2 fung2 pag6 pag6 gai4 fa1, ded5 log6 nji3 mien4 cen2, ded5 log6 nji3 gen1 boi4, ded5 log6 nji3 giog5 ha1 a1 a1 a1
滿妹：阿哥，汝蛇聲鬼叫麼个？
a1 go1, nji3 sha2 shang1 gui3 giau4 ma3 gai4?
榮牯：我正毋係蛇聲鬼叫，我係唱台灣个客語流行歌曲《花樹下》！我放分汝聽：
ngai2 zhang4 m2 he4 sha2 shang1 gui3 giau4, ngai2 he4 chong4 toi2 van1 gai4 hag5 ngi1 liu2 hang2 go1 kiug5 fa1 shu4 ha1 ngai2 biong4 bun1 nji3 tang1:
滿妹：謝宇威唱著真係好聽！還有其他客語歌無？
cia4 i3 vui1 chong4 dau3 zhin1 he4 hau3 tang1! han2 iu1 ki2 ta1 hag5 ngi1 go1 mau2?
榮牯：大把多！像台灣阿陶唱个《加了蜜》，林生祥唱个《種樹》，鄭朝方唱个《髻鬃花》，邱幸儀唱个《未來》……還有馬來西亞余畑龍唱个《不要去英國》，張少林唱个《情茫茫》……
tai4 ba3 do1! ciong4 toi2 van1 a1 tau2 chong4 gai4 ga1 liau3 mid6 lim2 sang1 siong2 chong4 gai4 zhung4 shu4 chang4 chau2 fong1 chong4 gai4 gi4 zung1 fa1 hiu1 hen4 ngi2 chong4 gai4 mui4 loi2 han2 iu1 ma1 loi2 si1 a1 i2 ten2 lung2 chong4 gai4 bud5 iau4 hi4 in1 ged5 zhong1 shau4 lim2 chong4 gai4 cin2 mong2 mong2
滿妹：大陸有無？
tai4 lug6 iu1 mau2?
榮牯：也有！像韶關秋林哥唱个《月光新娘》，茂名西桐木唱个《五月》，河源客家妹妹唱个《溪流》，惠州華D个《出外靠朋友》……
ia1 iu1! ciong4 shau2 guan1 ciu1 lim2 go1 chong4 gai4 ngied6 gong1 sin1 njong2 meu4 miang2 si1 tung2 mug5 chong4 gai4 ng3 ngied6 ho2 ngen2 hag5 ga1 moi4 moi4 chong4 gai4 kai1 liu2 fui4 zhiu1 fa2 gai4 chud5 ngoi4 hau4 pen2 iu1
滿妹：儘好！我愛學曉一首來去參加惠州春節聯歡晚會个海選！
cin4 hau3! ngai2 oi4 hog6 hiau3 id5 shiu3 loi2 hi4 cam1 ga1 fui4 zhiu1 chun1 zed5 lien2 fon1 man1 fui4 gai4 hoi3 sien3!
四、語法：正
1、正
詞彙：正 含義：才；剛。 用法：1、愛得佢白貓烏貓，捉著老鼠正係好貓。 2、我正轉到屋下就落水。
上一課：國外之旅 下一課：我愛客語
教程全部課目
站內功能